D Schwiez isch viel meh

I ha nüd vo Nation gseit. Ihr Nationalischte mached alles kaput, was schö und guet isch, a dere Schwiez. Du mit dem chlinliche Denke, mit dinere beschränkte Weltsicht. Du heschs Gfühl zwüsse wie mer e Volkswirtschaft zfüehre het, wiemmer Politik betriebe muess.

Aber d Schwiez isch doch soviel meh. Lueg mal da use. Das hend alles üsi Müettere und Vättere ufbaut, und üsi Grossmüettere und Grossvättere. Und mengisch isch halt eine dezue cho und mengisch isch halt eine gange.

D Schwiez, das isch d Liebe zum Land, zu de Berge, See, Wälder und zum Bode. Es Mitgfühl mit allem Lebende. E Sorg und Sorgfalt zu dem wo isch Es Verständnis devo, das es halt nöd geng nach dim Grind gaht.